.
بسم الله الرحمن الرحيم
.
.
رب صائم حظه من صيامه الجوع والعطش
ورب قائم حظه من قيامه السهر
هذي مقوله سمعتها .. وثبتت براسي أحسها صدق تحكي واقع !
بحثت عنها لقيتها حديث للرسول صلى الله عليه وسلم لكنه حديث ضعيف !
والضعيف لا يعمل به غالباً ..
لكن أذا فكرت في هالمقوله لقيتها صدق تحكي حالتنا -ومو كلنا- بس أغلبنا ..
.
كثير من الناس برمضان يركز على الكم مو على الكيف؟؟
مثلاُ في القيام .. يحسب الركعات بس ما يحسب مرات الخشوع؟؟
بس يحسب كم صلى وخلاص .. وهذا أكبر غلط
يمكن ركعتين تصليها وأنت خاشع أبرك من مليون ركعه
وش فايده صلاة بدون خشوع ولا حظور قلب ؟ بس تتعب ولا تجدد بينك وبين الله شي كل يوم نفس الصلاة والركوع نفسه والسجود نفسه بس الخشوع والصله الي بينك وبين ربك الى الآن ما تجددت ولا قوت نفسها ما تغيرت ..!
.
نفس الشي مع القرآن
مشاء الله واحد يختم أكثر من مره بس يمشي ع الأيات بدون تدبر ولا تفكر أسم أنه ختم !
الله ما أنزل علينا القرآن عشان نختمه ! عشان نتدبره نقرتين
(كِتَابٌ أَنْزَلْنَاهُ إِلَيْكَ مُبَارَكٌ لِيَدَّبَّرُوا آيَاتِهِ)
قال الله أنزلناه ليدبروا آياته مو ليختموا آياته؟
أحنا غفلنا عن التبدر مره , ويوم غفلنا عنه ضعنا !!
(إن هذا القرآن يهدي للتي هي أقوم)
بس يهدي متى ؟؟
أذا تدبرناه وعملنا به !
آلاف الخريجين كل عام من حفظة كتاب الله ومن المجودين بس القرآن في جوفهم ولا كأنه في جوفهم؟ -موكلهم طبعاً- لأنهم حفظوه حفظ بس ما تدبروه ولا عملوا به !!
روي عن عمر بن الخطاب رضي الله عنه أنه جلس يحفظ في البقرة 9 سنين !!!!!!!
لأنه ما حفظها حفظ عادي ! حفظ بتدبر وفهم وعمل ..
أجلس على الصفحة ساعات وتدبر .. لا تشوف الساعه لا تحسب كم خلصت من جزء أجلس مع الآية وأنسى نفسك
الصفحة هذي والصفحة الجاية كلهم كلام الله ولهم نفس الأجر على أيش مستعجل
عش القرآن تدبره أفهمه , أما أسلوب الي أهم شي تختم هذا مارح يفيدك أبد وأكبر غلط
أختم الختم حلوو, بس لا تنسى التدبر , أختم بس من قدك لو ختمت وأنت فاهم الي قاعد تختمه
ما أبي أهبط من همة الي يختمون , لكم أجر يكفي أنكم منشغلين بكلام الله وش أعظم من كذا؟ بس لا تغفلون عن التدبر لا تغفلون عن التدبر والعمل بالقرآن
.
نفس الشي الصيام ..!
يضيع وقت الواحد طول فترة صيامه في سب والا غيبه .. والا يمسكها نومه من بعد الفجر الى صلاة المغرب .. يجمع الظهر والعصر والمغرب مع بعض ثم يقول أنا صمت؟
ترا الصلاة ركن أعظم من الصيام؟
يعني صلاتك أولى , ولو أنهم كلهم موهمين !
أو يؤخر الصلاة ما يصلي الظهر الا الساعة 3 ! أو العصر الساعه 5 ؟ وتقول أنا صايم وأديت فرضي ؟ وشلون وأنت أهملت الفرض الي يعتبر أهم من الصيام ؟
(أن الصلاه كانت على المؤمنين كتابا موقوتا )
كتاباً موقوتا نقرتين
وغيرهم من الي يضيع نهارهم بالمسلسلات , ومافيها من موسيقى البداية والنهاية وفحوى المسلسل الي مشاء الله يربي على قيم وأخلاق
وأنا هنا ما أفتي تجوز والا ما تجوز بس أبعد عنها وأنت صايم أحسن نكم عندنا من رمضان بالسنه عشان نهمله ؟
عشان كذا نرجع ونقول :
رب صائم حظه من صيامه الجوع والعطش
ورب قائم حظه من قيامه السهر
حاول ما تصير منهم
.
وقبل لا أختم ..
سؤال توه جايني مسج بس عجبني أقرأه
هل السيئات تتضاعف في رمضان ؟!
الأوقات يختلف بعضها عن بعض ,فشهر رمضان هو أفضل أشهر العام , فهو شهر مغفره ورحمة وعتق من النار, فاذا كان الشهر فاضلاً, والمكان فاضلاً, ضوعفت فيه الحسنات وعظم فيه أثم السيئات, فسيئة رمضان أعظم أثماً من السيئة في غيره, كما أن طاعة في رمضان أكثر ثواباً عند الله من طاعة في غيره لماكان رمضان بتلك المنزلة العظيمة , وكان للطاعة فيه فضل عظيم ومضاعفة كثيرة , وكان أثم المعاصي فيه أشد وأكبر من أثمها في غيره .
- أبن باز-
الحسنات مضاعفه الحين
يعني أذا قريت قرآن الحين غير لما تقراه الشهر الجاي
أذا تصدقت الحين غير لما تتصدق الشهر الجاي
أذا قمت الليل الحين غير لما تقوم الشهر الجاي
أغتنموا فرصه رمضان , الأيام تسرع وما تدري بتلحق عليه السنه الجايه والا لأ؟
مشاء الله اليوم 12؟ ياسرعهاااا ..
.
.
أعذروني الموضوع ع السريع بس أهم شي توصل الفايدة
تقبل الله منا ومنكم ومن المسلمين
منقووول
https://plus.google.com/u/0/b/114647993015127962574/+HusseinhakkiBlogspot1994/posts
تعليقات
إرسال تعليق